Monday, April 11, 2011

തല നരയ്ക്കുവതല്ലെന്റെ വൃദ്ധത്വം; തല നരക്കാത്തതല്ലെന്‍ യുവത്വവും;

മുഖ്യമന്ത്രി വി.എസ്. അച്യുതാനന്ദന്‍ ഒരു പ്രസംഗത്തില്‍ ഒരു കവിതയുടെ രണ്ടുവരികള്‍ ഉദ്ധരിച്ചതായി പത്രത്തില്‍ വായിച്ചുവല്ലോ
ആ കവിതയുടെ പശ്ചാത്തലം അറിയുവാന്‍ സുഹൃത്തുക്കള്‍ക്ക് താല്‍പര്യം കാണുമെന്ന് കരുതുതുന്നു.
കവിത എഴുതിയത് സ്വാതന്ത്ര്യസമരസേനാനി ടി.എസ്. തിരുമുമ്പ് എന്ന മാന്യദേഹമാണ്. (താഴേക്കാട്ടു തിമിരിമനയില്‍ സുബ്രഹ്മണ്യന്‍ തിരുമുമ്പ് എന്നാണ് പൂര്‍ണമായ പേര്.)പ്രായക്കൂടുതലായതു കൊണ്ട് അഭിനവ് ഭാരത് യുവസംഘം എന്ന സംഘടനയില്‍ അംഗത്വം നല്‍കാത്തതിന് പ്രതികരണമായാണ് ഈ കവിത എഴുതിയത്. എത്ര സര്‍ഗാത്മകമായ പ്രതിഷേധമെന്ന് നോക്കൂ..
ഇക്കാലത്ത് അംഗത്വം നല്‍കിയില്ലെങ്കില്‍ പിളരും, പുതിയ സംഘടന ഉണ്ടാക്കി നോട്ടീസടിയും പിരിവും തുടങ്ങും, ശത്രു സംഘടനയില്‍ പോയി ചേരും..എന്നെ വേണ്ടവിധം ഉപയോഗിച്ചില്ലാ എന്ന് കരഞ്ഞ് പറഞ്ഞ് നടക്കും...

ടി.എസ്. തിരുമുമ്പ്


തല നരയ്ക്കുവതല്ലെന്റെ വൃദ്ധത്വം;
തല നരക്കാത്തതല്ലെന്‍ യുവത്വവും;

പിറവിതൊട്ടു നാളെത്രയെന്നെണ്ണുമ-
പ്പതിവുകൊണ്ടല്ലളപ്പതെന്‍ യൗവനം
കൊടിയ ദുഷ്പ്രഭുത്വത്തിന്‍ തിരുമുമ്പില്‍
തലകുനിക്കാത്ത ശീലമെന്‍ യൗവനം;

ധനികധിക്കൃതിതന്‍ കണ്ണുരുട്ടലില്‍
പനിപിടിക്കാത്ത ശീലമെന്‍ യൗവനം;
വിഷമഘട്ടത്തിലേതിലും ചെറ്റുമേ-
പതറിടാത്ത ഹൃദയമെന്‍ യൗവനം!
വിരിവൊടക്രമം ചീറ്റിയടുക്കുമ്പോള്‍
പൊരുതുവാനാഞ്ഞണഞ്ഞെത്തുമക്ഷമ;
വഴിമുടക്കുന്ന മാമൂല്‍തലകളെ
പിഴുതെടുക്കുന്ന തീവ്രാസഹിഷ്ണുത;
പ്രതിനിമിഷം വളരാന്‍-വികസിക്കാന്‍-
കൊതിപെരുകിയുഴറുമശാന്തത;
അവശലോകത്തെ ഞെക്കിഞ്ഞെരുക്കുന്ന
ദുരധികാരത്തെ വെല്ലുവിളിക്കുവാന്‍,
പ്രഭുതതന്‍ വിഷപ്പല്ലു പറിക്കുവാന്‍,
വിഭുതയാളുമമോഘസുധീരത;
ഭയമൊരിത്തിരി തീണ്ടാത്ത പൗരുഷം;
അലസത ചളി തേക്കാത്ത ജീവിതം;
വിവിധ ദുഃഖങ്ങളാര്‍ത്തടുക്കുമ്പോഴും
വിരളമാവാത്ത ദുര്‍ദ്ധര്‍ഷവിക്രമം;
ജയലഹരിയില്‍ മങ്ങാത്ത തന്റേടം;
അപജയത്തില്‍ കലങ്ങാത്ത സൗഹൃദം;
ഇവയെഴുന്നോര്‍ സദാപി യുവാക്കന്മാ,-
രിവരയെഴാത്തവര്‍ വൃദ്ധരില്‍ വൃദ്ധരും!
നിരുപമം യുവലോകമുച്ഛൃംഖലം
സമരസന്നാഹമുണ്ടൊന്നൊരുക്കുന്നു!
ഉദധിയേഴും കലങ്ങിമറിയുമാ-
റഖിലലോകവും ഞെട്ടുന്ന മട്ടിലും
പഴകിജീര്‍ണ്ണിച്ചൊരിസ്സമുദായത്
    തിന്‍- ഘടന മാറ്റിപ്പുതുക്കിപ്പണിയുവാന്‍ ഒരുമയോടൊരുമ്പെട്ട യുവത്വത്തിന്‍- സമരകാഹളമുണ്ടതാ കേള്‍ക്കുന്നു! അലയടിച്ചാര്‍ത്തിരമ്പുന്ന വിപ്ലവ- ക്കടലിളകിമറിഞ്ഞു വരുന്നതാ! കരുതിനില്‍ക്കുക! രുഷ്ടസാമ്രാജ്യമേ! കരുതിനില്‍ക്കുക! ദുഷ്ടപ്രഭുത്വമേ! നിജനിജാധികാരായുധമൊക്കെയും നിജശിരസ്സറ്റുവീഴുന്നതിന്‍മുമ്പെ, അണിനിരക്കുന്ന യുവജനശക്തിതന്‍- നികടഭൂവിലടിയറവെക്കുക!
     
     

23 comments:

  1. സന്ദർഭോജിതമായ ലേഖനവും,ടി.എസ്. തിരുമുമ്പ് നെക്കുറിച്ചുള്ള ചിന്തയും, ഗാനവും.. എല്ലാഭാവുകങ്ങളും

    ReplyDelete
  2. പിറവിതൊട്ടു നാളെത്രയെന്നെണ്ണുമ-
    പ്പതിവുകൊണ്ടല്ലളപ്പതെന്‍ യൗവനം
    കൊടിയ ദുഷ്പ്രഭുത്വത്തിന്‍ തിരുമുമ്പില്‍
    തലകുനിക്കാത്ത ശീലമെന്‍ യൗവനം;
    -------------
    ഈ പരിചായ്പ്പെട്ത്തലിനു നന്ദി. ഇന്നലെ വി എസ് പറഞ്ഞപ്പോള്‍ ഇത് ഒരു കവിയുടെ ആണ് എന്നു കരുതിയില്ല.

    ReplyDelete
  3. അപ്പൊ വീയെസ്സിന് കവിതയും അറിയാം ല്ലേ?
    പോസ്റ്റ്‌ നന്നായി

    ReplyDelete
  4. ഉചിതമായ പോസ്റ്റ്‌.കവിയെയും കവിതയേയും പരിചയപ്പെടുത്തിയതിനു നന്ദി.അഭിനന്ദനങ്ങള്‍.

    ReplyDelete
  5. ഈഅറിവു തന്നതിന് സന്തോഷം

    ReplyDelete
  6. പങ്കു വെച്ചതിനു നന്ദി.

    ReplyDelete
  7. എത്ര കൃത്യമായ ഇടപെടൽ

    വളരെ നന്നായി

    നന്ദി.

    ReplyDelete
  8. നല്ല പോസ്റ്റ്‌..ഈ കവിത ആദ്യമായിട്ടാണ് വായിക്കുന്നത്.....നന്ദി......

    ReplyDelete
  9. സന്തര്‍ഭോചിതം ഈ പോസ്റ്റ്.

    ReplyDelete
  10. തലകുനികാതെ അസഭ്യം പുലംബുന്നതല്ല യൗവനം.....
    യൗവനം വാക്കുകളുടെ തീഷ്ണതയിലും അതിലുപരി യുവ വീക്ഷണത്തിലും പ്രവര്‍ത്തിയിലും ആണ് വേണ്ടത്.....

    ReplyDelete
  11. "കൊടിയ ദുഷ്പ്രഭുത്വത്തിന്‍ തിരുമുമ്പില്‍
    തലകുനിക്കാത്ത ശീലമെന്‍ യൗവനം;"
    വി എസ് ഈ വരികള്‍ ചൊല്ലുന്നത് ടി വി യില്‍ കണ്ടിരുന്നു.
    ആര്‍ജവം സ്ഫുരിക്കുന്ന വരികള്‍.
    കവിതയുടെ പിന്നാമ്പുറത്തേക്ക് കൂട്ടിക്കൊണ്ടുപോയതിന് നന്ദി.

    ReplyDelete
  12. പരിചയപ്പെടുത്തലിന്നു നന്ദി.

    ഇല്ലെങ്കില്‍ ഞാന്‍ ഈ കവിത വി.എസിന്റെയാണെന്നു തെറ്റിധരിച്ചേനെ :)

    ReplyDelete
  13. A timely posting in the E-mail. It is quite relevant and all the youngsters should realise that wisdom is normally attained by age and one should respect it.... VRU Menon

    ReplyDelete
  14. ഈ പങ്കുവെക്കലുകൾ ഇഷ്ട്ടപ്പെട്ടു..കേട്ടൊ

    ReplyDelete
  15. വീസെസിന്റെ തലമുറയിൽ ജീവിച്ച എന്റെ പിതാശ്രീ ഇതുപോലെ ചില കവിതാ ശകലങ്ങൾ ചൊല്ലി ഞങ്ങളെ തകർക്കാറുണ്ടായിരുന്നു.

    ReplyDelete
  16. Yes really good to remember this in correct time, It is to be noted even from the yera of Mahabaratha war the Aged personalities are in front line and now also ARMY,NAVY etc. and President to our great CM, all are aged... but STRONG to oppose/fight and win!!!
    Thanks for the same,
    Nandan

    ReplyDelete
  17. തിരുമുമ്പിന്‍റെ കവിത...തിരു മുമ്പില്‍ നമോവാകം

    ReplyDelete
  18. നല്ല പോസ്റ്റ്‌. എനിക്ക് ഇഷ്ടപ്പെട്ടു.
    ഇനിയും ഇതുപോലുള്ള പോസ്റ്റുകള്‍ പ്രതീക്ഷിക്കുന്നു.
    junctionkerala.com ഒന്ന് പോയി നോക്കൂ.
    ഈ ബ്ലോഗ്‌ അവിടെ ലിസ്റ്റ് ചെയ്തിട്ടില്ല എന്ന് തോന്നുന്നു.

    ReplyDelete
  19. ഈ പങ്ക് വെയ്ക്കലിന് നന്ദി.

    ReplyDelete
  20. http://www.orkut.com/Main#CommMsgs?cmm=118064104&tid=5658057682722561513

    http://www.facebook.com/Thirumump?sk=wall&filter=1

    Pls go through this.

    ReplyDelete