Friday, August 13, 2010

കണ്ണടയും മുന്‍പേ കുറിച്ചിടുക


കാഴ്ചയുടെ അനുഗ്രഹത്തെപ്പറ്റി നമ്മളോരോരുത്തരും ഒരുപാട് ചിന്തിക്കുകയും വായിക്കുകയും പ്രസംഗിക്കുകയും കേള്‍ക്കുകയും എല്ലാം ചെയ്തിട്ടുള്ളതാകയാല്‍ അക്കാര്യങ്ങളൊന്നും ഇവിടെ വിശദീകരിക്കുന്നില്ല. ഒരുപക്ഷെ ഒന്നിലേറെ തവണ നേത്രദാന പ്രതിജ്ഞ ഒപ്പിട്ടുകൊടുത്തവരായിരിക്കാം ഇതു വായിക്കുന്നതില്‍ ഭൂരിഭാഗം പേരും. പക്ഷെ, അതേക്കുറിച്ച് നിങ്ങളുടെ വീട്ടുകാരുമായി നിങ്ങള്‍ സംസാരിച്ചിട്ടുണ്ടോ? ഇല്ലെങ്കില്‍ ഇന്നുതന്നെ അതു ചെയ്യുക. മരണശേഷം തങ്ങളുടെ കണ്ണുകള്‍ സഹജീവികള്‍ക്ക് വെളിച്ചമാകണമെന്നാഗ്രഹിച്ച് നേത്രദാന സന്നദ്ധത പ്രകടിപ്പിച്ച പതിനായിരക്കണക്കിനാളുകളുടെ ഈ മഹത്തായ അഭിലാഷം സാധ്യമായിട്ടില്ല-ബന്ധുക്കള്‍ക്ക് അതേക്കുറിച്ച് വിവരമില്ലാഞ്ഞതു തന്നെ കാരണം.  പലരുടെയും വിചാരം നേത്രദാനം എന്നാല്‍ കണ്ണ് കുത്തിപ്പൊട്ടിച്ച് എടുക്കലാണെന്നാണ്. അങ്ങിനെയൊന്നുമല്ല-വളരെ സിമ്പിളാണ് കാര്യം. കണ്‍പോളകള്‍ക്ക് യാതൊരു പരിക്കും വരുത്താതെ വളരെ സൂക്ഷ്മമായി നേത്രഗോളങ്ങള്‍ നീക്കുകയാണ് ചെയ്യുക. മരണം നടന്ന് നാല് മണിക്കുറിനകം  ശേഖരിക്കാനായാല്‍ മാത്രമേ കണ്ണുകള്‍ ഉപയോഗിക്കാനാവൂ.ഞാന്‍ മരിച്ചാല്‍ ബന്ധുക്കളെ വിവരമറിയിക്കുമ്പോള്‍ തന്നെ ഏറ്റവുമടുത്തുള്ള നേത്രബാങ്കിലും വിവരമറിയിക്കണമെന്ന് വീട്ടുകാരോട് പറഞ്ഞുവെക്കണം. നിങ്ങളുടെ വീട്ടില്‍ പരിചയത്തില്‍ ഒരു മരണം നടന്നാല്‍ നിങ്ങളും അത് ചെയ്യണം. അവിടെ നിന്ന് ഡോക്ടറെത്തി നേത്രങ്ങള്‍ ശേഖരിക്കും. കാഴ്ചയില്ലാത്ത രണ്ട് വ്യക്തികള്‍ക്ക് നേത്രപടലങ്ങള്‍ വെച്ചുപിടിപ്പിക്കും, നിങ്ങള്‍ മരിച്ചാലും ആ കണ്ണുകള്‍ ലോകത്തിന്റെ തിളക്കം കണ്ടുകൊണ്ടേയിരിക്കും. ജീവിച്ചിരിക്കുമ്പോള്‍ മാത്രം മതിയോ സല്‍ക്കര്‍മങ്ങള്‍? മരണശേഷവും പുണ്യം ചെയ്യുന്ന മനുഷ്യരാവേണ്ടേ നമുക്ക്?
പ്രമേഹരോഗികള്‍, കണ്ണട ഉപയോഗിക്കുന്നവര്‍, തിമിര ശസ്ത്രക്രിയ നടത്തിയവര്‍ തുടങ്ങിയവരുടെയെല്ലാം കണ്ണുകള്‍ മരണശേഷം ദാനം ചെയ്യാവുന്നതാണ്.
നിങ്ങളുടെ മൊബൈല്‍ ഫോണിലെ നമ്പറുകളുടെ കൂട്ടത്തില്‍ 

EYE BANK എന്നെഴുതി വീട്ടില്‍ നിന്ന് ഏറ്റവുമടുത്തുള്ള നേത്രബാങ്കിന്റെ ഫോണ്‍ നമ്പര്‍ സേവ് ചെയ്ത് വെക്കുക. വീട്ടില്‍ ഫോണ്‍ നമ്പറുകള്‍ എഴുതി വെച്ചിരിക്കുന്ന പുസ്തകത്തിലെ പ്രധാന നമ്പറുകളുടെ കൂട്ടത്തിലും ഈ നമ്പര്‍ കുറിച്ചിടുക
നിങ്ങള്‍ ഈ പോസ്റ്റ് ഇപ്പോള്‍ വായിക്കുന്നു, നാളെ മരിച്ചുപോയെന്നു വരാം (എന്തായാലും സമയമായാല്‍ മരണം സുനിശ്ചിതമാണല്ലോ) ഒരു പക്ഷെ മറ്റൊരു ദിവസം മറ്റൊരാള്‍ ഈ പോസ്റ്റ് വായിക്കുക നിങ്ങള്‍ സമ്മാനിച്ച  കണ്ണുകളുപയോഗിച്ചാവും.... കണ്ണില്‍ ചോരയുള്ളവരാവുക, കണ്ണ് ദാനം ചെയ്യുക

ഈ ബ്ലോഗില്‍ കഴിയുന്നത്ര നേത്രബാങ്കുകളുടെ നമ്പറുകള്‍ ശേഖരിച്ച് ചേര്‍ക്കുവാനും കുടിവെള്ളം ഗ്രൂപ്പ് വഴി ഇമെയില്‍ ആയി പ്രചരിപ്പിക്കാനും ആഗ്രഹമുണ്ട്. ഇന്റര്‍നെറ്റില്‍ നിന്ന് കിട്ടിയത്ര നമ്പറുകള്‍ ചേര്‍ക്കുന്നു. ഇതില്‍ ഇല്ലാത്ത പ്രദേശങ്ങളിലെ നേത്രബാങ്കുകളുടെ നമ്പര്‍ അറിയുന്നവര്‍ ഒരു കമന്റായോ മെയില്‍ ആയോ അയച്ചു തന്നാല്‍ കണ്‍കുളിക്കും....

തിരുവനന്തപുരം: ഗവ. ഒപ്താല്‍മോളജിക് ഹോസ്പിറ്റല്‍: 

0471 2307749/2304046  

ചൈതന്യ ഐബാങ്ക് : 0471 2447183 


കൊല്ലം: 


ആലപ്പുഴ: 


കോട്ടയം:


പത്തനം തിട്ട: മുളമൂട്ടില്‍ ഐ ഹോസ്പിറ്റല്‍ 0468 2213644 / 2297774 


ഇടുക്കി:


എറണാകുളം: ഐ ബാങ്ക് അസോസിയേഷന്‍, ലിറ്റില്‍ ഫ്ലവര്‍ അങ്കമാലി  0484 2454779,2452546/47/48


അഭയം ഐ കെയര്‍ സെന്റര്‍ തൃപ്പുണിറ 04842778980


തൃശൂര്‍: മെഡിക്കല്‍ കോളേജ് 0487-24231050/24231802


മലപ്പുറം: അല്‍സലാമാ കണ്ണാശുപത്രി, പെരിന്തല്‍മണ്ണ 

04933-393123, 225524, 225523

പാലക്കാട്: അഹല്യ കണ്ണാശുപത്രി 

04923235999

ആദിത്യകിരണ്‍ കണ്ണാശുപത്രി 04913291120


കോംട്രസ്റ്റ് കണ്ണാശുപത്രി, ഒറ്റപ്പാലം


കോഴിക്കോട്:  മെഡിക്കല്‍ കോളേജ് 0495 2356531


കോംട്രസ്റ്റ് കണ്ണാശുപത്രി 04952721620, 2727942, 2723793.


വയനാട്: 


കണ്ണൂര്‍: ജില്ലാ ആശുപത്രി: 2731234


തലശ്ശേരി താലൂക്ക്‌ ആശുപത്രി

പരിയാരം മെഡിക്കല്‍ കോളേജ്‌  2800364

കാസര്‍ഗോഡ്: റോട്ടറി ഐ ഡൊണേഷന്‍ സെന്റര്‍: 0499 22420578, 22422324

7 comments:

  1. വളരെയധികം ശ്രദ്ധിക്കേണ്ട ഒരു കാര്യമാണിത്.ഇനിയും ഇത്തരം ഉപകാരപ്രദമായ കാര്യങ്ങള്‍ പോസ്റ്റ് ചെയ്യുക.

    ReplyDelete
  2. പലരും ശ്രദ്ധിക്കാത്ത ഇത്തരം വിവരങ്ങള്‍ വായനക്കാര്‍ക്ക് നല്‍കുന്ന കുടിവെള്ളം ഗ്രൂപ്പിന് ആശംസകള്‍.

    ReplyDelete
  3. kudivellam aniyarasilpikalkku abinandanagal....

    ReplyDelete
  4. the misconception of people about the eye transplantation could me changed by this blog and more peaople willing to fonate the same.

    ReplyDelete
  5. മുഹമ്മദ്‌ കുട്ടിക്ക, മെയ്‌ഫ്ലവര്‍,ഷെഫീക്,മുനീര്‍ സന്ദര്‍ശനത്തിനും കമന്റിനും നന്ദി
    നിങ്ങളുടെ പ്രദേശത്തെ നേത്ര ബാങ്കുകളുടെ ലിസ്റ്റ് ഉള്‍പ്പെട്ടിട്ടുണ്ടോ? ഇല്ലെങ്കില്‍ ഒന്ന് അന്വേഷിച് അറിയിക്കാമോ?
    സന്തോഷം

    ReplyDelete
  6. valare nalla oru karyamthanneyakunu ethe .kudivellathinu ellavidam abinadangalum

    ReplyDelete